Qenan Ahmeti shpallet golashënuesi më i mirë në “Fer Plej Cup”
Në turneun prestigjioz ndërkombëtar “Fer Plej Cup” që u zhvillua në Ohër, talenti i KF Uskana – Kërçovë, Qenan Ahmeti, u shpall golashënuesi më i mirë për gjeneratën 2017.
Në një garë që mblodhi ekipe të forta nga Kroacia, Bosnja, Serbia, Mali i Zi, Kosova, Shqipëria dhe Maqedonia e Veriut, Qenan Ahmeti spikati me paraqitjet e tij të shkëlqyera dhe efikasitetin përpara portës.
Ky sukses individual vjen si rezultat i angazhimit personal dhe mbështetjes së bashkëlojtarëve e trajnerëve, duke sjellë krenari për klubin dhe qytetin eKërçovës.
